ე.წ. სააფთიაქო ნარკომანიის საქმეზე დაკავებულ გია თვალავაძეს სასამართლომ აღკვეთის ღონისძიების სახედ გირაო შეეფარდა. სამედიცინო საქმიანობის რეგულირების სააგენტოს ყოფილი უფროსი 20 000 ლარის სანაცვლოდ გაათავისუფლეს.

როგორც პროკურატურის პრესსამსახურში On.ge-ს განუცხადეს, ეს მოთხოვნა დაცვის მხარემ დააყენა, ისინი კი პატიმრობას ითხოვდნენ.

სახელმწიფო უსაფრთხოების სამსახურმა ე.წ. სააფთიაქო ნარკომანიის ბრალდებით წამლის რეგულირების სააგენტოს უფროსი, გია თვალავაძე 24 სექტემბერს დააკავა.