ვიკილიქსის თანადამფუძნებელ ჟულიან ასანჟს ეკვადორის საელჩო თავისი საცხოვრებელი პირობების მოწესრიგებას სთხოვს. ასანჟი 2012 წლიდან თავს ლონდონში მდებარე საელჩოს აფარებს, რათა დაპატიმრება აიცილოს თავიდან.

საელჩო მას მოუწოდებს, რომ თავისი აბაზანა და ტუალეტი გაწმინდოს და კატას უკეთ მოუაროს, წინააღმდეგ შემთხვევაში, ასანჟის ფუმფულა მეგობარს საცხოვრებლის შეცვლა მოუწევს.

View this post on Instagram

What a smeowgasbord! 😻 #cheese

A post shared by Embassy Cat (@embassycat) on

კატის ჰიგიენის დაცვისა და საკვებით მომარაგების შემთხვევაში, საელჩო ასანჟს ინტერნეტის ნაწილობრივ აღდგენასაც დაჰპირდა. წერილი ასანჟს ესპანურ ენაზე მიაწოდეს.

ასანჟს ინტერნეტზე წვდომა "სხვა ქვეყნებს შორის ურთიერთობაში ჩარევის გამო" 2012 წლის მარტში მოუხსნეს.

ასანჟს კატა შვილებმა აჩუქეს და ის ხშირად ჩნდება საელჩოს ფანჯარაზე, მაშინ, როცა ადგილზე ჟურნალისტები იკრიბებიან. მას ტვიტერისა და ინსტაგრამის საკუთარი ანგარიშებიც აქვს.

ფოტო: Daniel Leal-Olivas

ფოტო: Matt Dunham

ფოტო: Reuters

ჟულიან ასანჟს გაუპატიურების ბრალდების გამო შვედეთში ექსტრადაცია და გასამართლება ელოდა, როდესაც მან საელჩოს თავი შეაფარა.

2017 წელს ასანჟს ბრალდება მოუხსნეს. 2018 წლის იანვარში კი ეკვადორმა მას მოქალაქეობა მიანიჭა, თუმცა ბრიტანეთმა დიპლომატიურ სტატუსზე უარი უთხრა.

ასანჟი აცხადებს, რომ მის წინააღმდეგ არსებული ბრალდება პოლიტიკურად მოტივირებული იყო და 2010 წელს ამერიკის თავდაცვის საიდუმლო დოკუმენტებისა გასაჯაროების გამო, ამერიკაში ექსტრადიცია ემუქრებოდა.

2018 წლის ივლისში, ეკვადორის პრეზიდენტმა განაცხადა, რომ ჟულიან ასანჟს ლონდონში მათი საელჩოს დატოვება მოუწევდა.