2019 წელს კინოეკრანზე სტივენ კინგის წიგნის, Pet Sematary, ეკრანიზაცია გამოვა.

შინაური ცხოველების სასაფლაო ექიმ ლუის კრიდისა და მისი ოჯახის შესახებ მოგვითხრობს, რომლებიც პატარა ქალაქში ჩადიან საცხოვრებლად.

კრიდების ახალი სახლი ტყესთანაა ახლოს აშენებული. ტყეში კი პატარა ბნელი სასაფლაოა, სადაც ადგილობრივი მაცხოვრებლები თავის ცხოველებს მარხავენ.

კრიდების კატა ჩერჩი სატვირთოს ემსხვერპლენა, ოჯახი კი მას სწორედ ამ სასაფლაოზე დამარხავს. სწორედ აქედან იწყება ოჯახის საზარელი თავგადასავალი.

კინგმა აღნიშნული რომანის წერა, 1978 წელს დაიწყო, როდესაც ერთ-ერთ ქალაქში სახლი დაიქირავა. სახლის გვერდით გზა მდებარეობდა, რომელიც სწრაფმავალი მანქანებისთვის იყო განკუთვნილი და სადაც თითქმის ყოველდღე იღუპებოდნენ ცხოველები, რომლებსაც ადგილობრივი ბავშვები სახლის უკან მდებარე ტყეში მარხავდნენ.

სწორედ ამ ქუჩაზე მანქანამ გაიტანა მწერლის ქალიშვილის კატაც, რომელიც იმავე სასაფლაოზე დაასაფლავეს. ახალი წიგნის დაწერის იდეა კი სტივენ კინგს კატის დამარხვიდან სამ დღეში გაუჩნდა.