არაა აუცილებელი ამერიკელი იყო, იმისთვის, რომ ამერიკის ჰიმნის მოსმენა შენში ემოციებს იწვევდეს. განსაკუთრებით, თუ მას მთელი გულით ასრულებენ.

7 წლის მალეა ემა შესაძლოა ვეება სტადიონზე ერთ ციცქნა წერტილად ჩანდეს, მაგრამ მისი ხმა სტადიონს უკვე გასცდა და უამრავი ადამიანის გული დაიპყრო. LA Galaxy-ის თამაშის დაწყებამდე, ამერიკის ჰიმნის შესრულება სწორედ მას ერგო წილად, რისთვისაც 7 წლის მალეას კონკურსის გავლაც მოუწია.

მალეას შესრულებას LA Galaxy-ის ტვიტერზე უკვე 2,3 მილიონი ნახვა აქვს.

მალეას შესრულებით აღფრთოვანებული დარჩა ლოს-ანჯელეს გალაქსის ფორვარდი და შვედი ფეხბურთელი ზლატან იბრაჰიმოვიჩი და გოგონას ტვიტერზე გამოეხმაურა:

"მატჩის ყველაზე ღირებული მოთამაშე [MVP]"

მოგვიანებით მალეამ თავის ფან...კხმ... ზლატან იბრაჰიმოვიჩთან ფოტოც გადაიღო.