30 მილიარდი საათი ძალიან დიდი დროა. სწორედ ამდენი დრო გაატარა მთელმა მსოფლიომ ფეისბუქზე ბოლო სამი თვის განმავლობაში.

თუმცა, ფეისბუქი ყველაზე ხანგრძლივად მოხმარებად აპლიკაციებში პირველ ადგილზე არაა. ყველაზე დიდი დრო - 85 მილიარდი საათი, მსოფლიომ WhatsApp-ზე გაატარა.

85 მილიარდი საათი 3,5 მილიარდი დღეა და უფრო მეტია, ვიდრე 9,5 მილიონი წელი. ეს კი, პლანეტის თითოეული მოქალაქის 11,425 საათია.

მონაცემებს Apptopia აქვეყნებს.

"აშკარაა, რომ მთელი მსოფლიო სამესიჯოდ WhatsApp-ს ირჩევს. აპლიკაციები, რომლებსაც საკომუნიკაციოდ იყენებენ, ყველაზე ხშირად მოხმარებადია", - ამბობს Apptopia-ს წარმომადგენელი ადამ ბლეიკერი.

იმ აპლიკაციების ტოპ-ათეული, რომლებზეც ყველაზე მეტ დროს ვატარებთ, ასე გამოიყურება:

  1. WhatsApp
  2. WeChat
  3. Facebook
  4. Messenger
  5. Pandora
  6. YouTube
  7. Instagram
  8. Twitter
  9. Google Maps
  10. Spotify

აღსანიშნავია ის ფაქტი, რომ ვოთსაპსა და ფეისბუქზე გატარებულ საათებს შორის დიდი სხვაობაა. აშკარაა, რომ ადამიანები უფრო დიდ დროს უთმობენ მესიჯობას, ვიდრე ტრადიციულ სოციალურ მედიას. ამის მიზეზი შეიძლება ის იყოს, რომ ახალგაზრდების ჩვევაში კომუნიკაცია უფრო დიდ ადგილს იკავებს, ვიდრე ფეისბუქზე ან ტვიტერზე აქტივობა.