3 აგვისტოს მთავრობის სხდომაზე, სააფთიაქო ნარკომანიის წინააღმდეგ ბრძოლის ცვლილება დამტკიცდა.

ფარმაცევტებს, პირველი ჯგუფის - ფსიქოტროპული მედიკამენტების ურეცეპტოდ გაცემის შემთხვევაში, პროფესიული პასუხისმგებლობა დაეკისრებათ და არსებული კანონის დარღვევის გამო, ავტორიზებულ აფთიაქებში პროფესიული საქმიანობის გაგრძელებას ვეღარ შეძლებენ.

კერძოდ, ფსიქოტროპული მედიკამენტების ურეცეპტოდ გაცემის შემთხვევაში, ფარმაცევტს პროფესიული საქმიანობის უფლება 3 წლის ვადით შეუჩერდება, აფთიაქის მფლობელს კი შეეზღუდება ნებართვის აღება 3 წლის ვადით.

ჯანდაცვის სამინისტროს ინფორმაციით, შეიქმნება რეესტრი, სადაც აღირიცხება კანონდამრღვევი აფთიაქების მფლობელები და ფარმაცევტები. ასევე, ფსიქოტროპული აფთიაქი ნებართვას ვერ მიიღებს ნასამართლევი და სახელმწიფო ბიუჯეტის წინაშე დავალიანების მქონე პირი.