ტაილანდში, ვეტერინარებმა ზღვის ნაპირზე გამორიყული მწვანე კუ იპოვეს, რომლის მუცელი სავსე იყო პლასტიკური ნარჩენებით.

ვეტერინარები მისი აღმოჩენის დღიდან ცდილობდნენ კუს გადარჩენას და საკვებს მილის საშუალებით აწვდიდნენ, პლასტმასის ნარჩენების გვერდის ავლით, რომელიც კუს კუჭს ბლოკავდა.

იმის გამო, რომ კუს ორგანიზმში რეზინის ლენტები, პოლიეთილენის პარკები და სხვა პლასტიკური ნარჩენები მრავლად იყო, ის საკვებს ვეღარ იღებდა, რის გამოც, გადაშენების პირას მყოფი ქვეწარმავალი ორ დღეში გარდაიცვალა. ვეტერინარების თქმით, კუ მტკივნეული სიკვდილით გარდაიცვალა.

ფოტო: dailymail.co.uk

ერთი კვირით ადრე, მალაიზიის საზღვართან ახლოს, იპოვეს მკვდარი შავი დელფინი, რომელსაც 80-მდე პოლიეთილენის პარკი ჰქონდა კუჭში.

ტაილანდი მსოფლიოში პლასტმასის ერთ-ერთი უმსხვილესი მომხმარებელია, რის გამოც ყოველწლიურად ასობით ზღვის ძუძუმწოვარი და ქვეწარმავალი იღუპება.

წარსულში, ტაილანდის სანაპიროებზე აღმოჩენილი მწვანე კუების 10% დაინფიცირდა პლასტიკურ ნარჩენებთან კონტაქტის შედეგად, წელს ეს მონაცემი 50%-მდე გაიზარდა.