ამერიკელმა მუსიკოსმა დეივ გროლმა, 12 წლის შვილთან, ვაიოლეტ გროლთან ერთად, კალიფორნიის ქალაქ ოკლენდში გამართულ საქველმოქმედო კონცერტზე ბრიტანელი მუსიკოსის, ადელის, When We Were Young შეასრულა.

დეივმა სიმღერის აკუსტიკური ვერსია გიტარაზე დაუკრა, ვოკალს კი მისი შვილი ასრულებდა. თუ ადელის მუსიკის გულშემატკივარი ხართ, შეუძლებელია ამ შესრულებამ ემოციების გარეშე დაგტოვოთ.

გროლების ქავერმა მსმენელის ოვაციებიც დაიმსახურა.