სამგზის ოსკაროსანი რეჟისორი, პროდიუსერი და სცენარისტი პიტერ ჯექსონი, რომელმაც სახელი ტოლკინის რომანების, "ბეჭდების მბრძანებლისა" და "ჰობიტის" ეკრანიზაციით გაითქვა, არჩევანის წინაშე დგას.

როგორც ამბობენ, ჯექსონს ორი ძალიან საინტერესო შეთავაზება აქვს. ერთი DC-ის კომიქსის ეკრანიზაციას ეხება, ხოლო მეორე მისთვის უკვე კარგად ნაცნობ სამყაროში კიდევ ერთხელ დაბრუნების შესაძლებლობას აძლევს. ამაზონმა რეჟისორს ბეჭდების მბრძანებლის სატელევიზიო ვერსიაზე მუშაობა შესთავაზა.

შეგახსენებთ, რომ შუახმელეთის ლეგენდის ნახვა სულ მალე სერიალის სახით შეგეძლებათ, ამის შესახებ ინფორმაცია ოფიციალურად Amazon-მა რამდენიმე თვის წინ გაავრცელა და თქვა, რომ ტოლკინის ბეჭდების მბრძანებლის სატელევიზი ვერსიის გადაღების უფლებები მოიპოვა, რომლის შექმნაშიც უპრეცენდენტო მილიარდ დოლარზე მეტის დახარჯვა იგეგმება.

ამ ეტაპზე უცნობია რომელ პროექტს აირჩევს რეჟისორი.