წვერის, ვარცხნილობისა და ტანსაცმლის მრავალფეროვანი კომბინაციების მორგების შემდეგ, კაცები თავის საბოლოო სტილს 30-დან 35 წლამდე ასაკში პოულობენ.

ამას ამტკიცებს უახლესი კვლევა, რომელიც კომპანია Braun-მა ჩაატარა. ბრენდი კაცების მოვლის საშუალებებს უშვებს.

კვლევის მიხედვით, 30 წლის ასაკში კაცებისთვის სტილის შეგრძნება იმდენადვე მნიშვნელოვანია, რამდენადაც მატერიალური მდგომარეობა, სამსახური და ინტელექტუალური განვითარება.

კვლევაში ნათქვამია ისიც, რომ ხშირად კაცები საკუთარი სტილის საპოვნელად ფეხბურთელების იმიჯს აკვირდებიან.

კვლევაში მონაწილეობა 2 000-მა კაცმა მიიღო. გამოკითხული კაცების 40% თავის გარეგნობას "ჩვეულებრივს" უწოდებს, ათიდან ოთხი - პრაქტიკულს. 20-დან მხოლოდ ერთი კაცია კმაყოფილი საკუთარი სტილით.

გამოკითხული ყოველი ათი მონაწილიდან ოთხი კაცი ამბობს, რომ მათი გარეგნობა მუდამ იცვლება, 66% კი აღნიშნავს, რომ სტილს მოდის ტრენდიდან გამომდინარე ირჩევს, იმის მიუხედავად, დარწმუნებულია თუ არა იმაში, რამდენად უხდება ეს სტილი.

69 პროცენტი აღიარებს, რომ წარსულში არჩეულ სტილს ნანობს. კვლევის მიხედვით, კაცები ასაკის მატებასთან ერთად უფრო მეტ ყურადღებას იჩენენ საკუთარი გარეგნობის მიმართ.

კვლევის მიხედვით, კაცების გემოვნება 30-დან 35 წლამდე იღებს საბოლოო ფორმას და ამის შემდეგ, ისინი უფრო თავდაჯერებულები არიან სამოსისა თუ ვარცხნილობის არჩევისას.

კაცების მოდა იყო დღეს რუსთავი ორის გადაცემა სხვა შუადღის ერთ-ერთი თემაც. წამყვანებმა დიზაინერებთან ერთად მიმოიხილეს მოდის თანამედროვე ტენდენციები მამაკაცებისთვის.