ტექნოლოგიების გიგანტურმა კომპანიამ Google-მ დეველოპერების ყოველწლიურ კონფერენციაზე არაერთი სიახლე დააანონსა. მათ შორის არის Google Photos განახლებები, რომელიც ხელოვნური ინტელექტის დახმარებით თქვენს აპლიკაციაში არსებულ ძველ შავ-თეთრ ფოტოებს გააფერადებს. სისტემა, რომელიც ჯერ კიდევ განვითარების პროცესშია, თავისით დაარეგულირებს ფერებს და ღილაკზე თითის ერთი დაჭერით საუკეთესო შედეგს შემოგთავაზებთ.

ვიდეოში ნაჩვენებია, როგორ მუშაობს განახლების დემო ვერსია

ეს დამატება განვითარების პროცესშია და როგორც კომპანია ამბობს, ჯერ კიდევ არ არის ხელმისაწვდომი მომხმარებლებისთვის. გარდა ამისა, Google Photos უკანა ხედის რედაქტირებისა და მასზე ფერების ცვლილების ფუნქციაც დაემატება.

შავ-თეთრი ფოტოების გაფერადება პოპულარულია ინტერნეტში. მსოფლიოში ყველაზე დიდი ინტერნეტ-ფორუმის, Reddit-ის მომხმარებლებს ცალკე საზოგადოებაც კი აქვთ ჩამოყალიბებული, რომლებიც სწორედ ამ მიმართულებით მუშაობენ. მათი რაოდენობა 360 000 ადამიანს აჭარბებს. ისინი მუდმივად აფერადებენ ისტორიულ ფოტოებს და ერთმანეთს ინტერნეტში უზიარებენ.

Google Photos განახლების დამატების შემდეგ, ადამიანები მარტივად შეძლებენ ოჯახური ფოტოების გაფერადებას და მათ გამოყენებას როგორც ინტერნეტში, ისე დასაბეჭდად და ჩარჩოებში ჩასასმელად.