უგემრიელესი დესერტი, რომელსაც ზაფხულში თითქმის ყოვედღე მიირთმევთ, არც მეტი არც ნაკლები, პირველად 5 ათასი წლის წინ მოამზადეს.

მას შემდეგ დიდი დრო გავიდა და უამრავი ფერისა თუ არომატის ნაყინი გამოიგონეს, თუმცა დღეს მათ შორის ერთ-ერთი ყველაზე პოპულარული და გემრიელი - ვანილის ნაყინის რეცეპტი და სახლში მომზადების წესი უნდა წარმოგიდგინოთ.

ინგრედიენტები: რძე, კვერცხი, შაქარი, ნაღები, ვანილი და მარილი.

კვერცხის გული და შაქარი

ფოტო: VideoBlocks

6-7 კვერცხის გული და ნახევარი ჭიქა შაქარი ერთ თასში მოათავსეთ და იქამდე ათქვიფეთ სანამ თეთრ და ფუმფულა მასას არ მიიღებთ.

რძე და ნაღები

ფოტო: IndiaMART

ახლა კი ორი ჭიქა რძე და ნახევარი ჭიქა ნაღები ქვაბში ჩაასხით და ადუღებამდე დაბალ ცეცხლზე დატოვეთ. ცხელ მასას ათქვეფილი კვერცხი დაუმატეთ და კარგად მოურიეთ.

ვანილი და მარილი

ფოტო: Veg Recipes

ათქვეფილი მასა ცეცხლიდან გადმოდგით, ერთი კოვზი ვანილი და ცოტაოდენი მარილი შეურიეთ. საბოლოოდ მიღებული მასა საცერში გადაწურეთ და საყინულეში შედგით.

ფოტო: Swasthi's Recipes

სულ რამდენიმე საათიც და სახლში მომზადებული უგემრიელესი ვანილის ნაყინი მზად არის.