ტეილორ სვიფტის ფანები, 8 მაისს, მათი საყვარელი პოპ-დივას ტურნეს პირველ დღეს, უამრავი სიურპრიზის მოლოდინში იყვნენ, თუმცა იმას, რაც სულ ცოტა ხნის წინ მოხდა, არავინ ელოდა.

ტეილორ სვიფტისა და კეტი პერის მრავალწლიანი შუღლი, იგივე Bad Blood, დასრულდა! საქმე იმაშია, რომ კეტიმ, კონცერტის დაწყებამდე სულ ცოტა ხნით ადრე, ტეილორს პირდაპირ ზეთისხილის რტო გაუგზავნა, წერილთან ერთად, რომელშიც კეიტი ბოდიშს იხდის.

თუ რამე გამოგრჩათ, მაინც შეგახსენებთ, რომ ზეთისხილის რტო მშვიდობის სიმბოლოა. შეუძლებელია, კეიტი ამ საქციელისთვის და ბოდიშის მოსახდელად დროის შერჩევისთვის არ შეაქო.

"გასახდელში გავედი და აი, ეს ზეთისხილის რტო ვიპოვე. ეს ჩემთვის ძალიან ბევრს ნიშნავს", - ამბობს ტეილორი ვიდეოში, რომელსაც წარწერა აქვს "მადლობა, კეტი".

თუ ამ ამბავს ჯერ კიდევ კითხულობთ, ალბათ ძალიან გაინტერესებთ, რა ეწერა იმ წერილში, რომელიც კეტიმ ტეილორს გაუგზავნა.

სწორედ ამისთვის, აქ არიან ტეილორს მახვილთვალებიანი ფანები, რომლებმაც, იმის მიუხედავად რომ წერილის ნახევარი დაფარულია, მნიშვნელოვანი სიტყვების ამოკითხვა მაინც შეძლეს.

და კეტის ხელით დაწერილი ეს სიტყვები უკვე ძალიან ბევრს ნიშნავს:

"გამარჯობა ძველო მეგობარო. ვიხსენებდი იმ პერიოდს, როცა ჩვენ შორის კომუნიკაცია აღარ იყო და ძალიან მსურს, ამ სიტუაციის გამოსწორება. ძალიან ვწუხვარ".

წლების განმავლობაში არ წყდებოდა მითქმა-მოთქმა ტეილორ სვფტისა და კეტი პერის დაპირისპირების შესახებ. როგორც ტეილორმა როლინგ სტოუნზსუთხრა, Bad Blood-ის ინსპირაცია მომღერალი ქალი იყო, რომელმაც მისი ერთ-ერთი ტურნეს დროს მოცეკვავეების "მოპარვა" სცადა და ამით თითქმის მთელი კონცერტი ჩაუშალა. თუმცა, როგორც სვიფტს სჩვევია, მან პერსონის იდენტიფიცირებისგან თავი შეიკავა.

პერიმ გასულ წელს ჯეიმს კორდონთან აღიარა, რომ სწორედ თავად იყო ეს მომღერალი და იმ მოცეკვავეების "გადაბირება სურდა, რომლებიც სვიფტს "რეზერვში" ჰყავდა. მან თქვა, რომ ტეილორთან სიტუაციის გარკვევა სცადა, თუმცა სვიფტმა მის ზარებს არ უპასუხა. პერის თქმით, ტეილორი უყვარს და პატიებას სთხოვს, რადგან ქალები ერთად უნდა იყვნენ და ერთმანეთს არ უნდა ებრძოდნენ.

მთელი ეს ისტორია, ამ საოცარი ფინალით, კიდევ ერთი მაგალითია იმის, რომ ქალებს პრობლემების მოგვარება და მრავალწლიანი შუღლის დასრულება შეუძლიათ. პოლიტიკოსებს კი შეუძლიათ, რჩევებისთვის კეტის მიაკითხონ.