გაინტერესებთ, როგორი ქვეყანაა საქართველო? მაშინ, პირველ ყოვლისა, მისი გემოს საიდუმლო უნდა გაიგო. გემო ხომ საუცხოო საშუალებაა ამა თუ იმ ქვეყნის ტრადიციების, წეს-ჩვეულებების, წარსულისა თუ აწმყოს შესაცნობად.

სწორედ ამ მიზნით შეიქმნა წიგნი „ქართული გემო, ტრადიციული და კლასიკური კერძები“, რომელიც საქართველოს გემოს შვიდსამეფოდ ყოფს და ამ სამეფოებში დაუვიწყარ კულინარიულ მოგზაურობას გთავაზობთ.

გემოს შვიდ სამეფოში მეგზურობას, შეფზარეულებთან ერთად, დიანა ანფიმიადი გვიწევს, ის წიგნში გამოყენებული ყველა შესავალი ტექსტის ავტორია. რეცეპტების ავტორები კი არიან საქართველოს კულინარიის აკადემიის ლექტორები და კურსდამთავრებულები: ლუკა ნაჭყებია, რუსუდან გოგოლაძე, ნატა წერუაშვილი, ერეკლე ღონღაძე, ნუცა ბაიაძე, თამარა გოდერძიშვილი.

  • ფოტოგრაფი: ანა ლორთქიფანიძე
  • დიზაინერი: მართა თაბუკაშვილი
  • ილუსტრატორი: გიორგი მაღრაძე
  • რედაქტორები: მარიამ გოჩიტაშვილი, რუსუდან გორგაძე
  • ტექნიკური დიზაინერი: გიორგი ლომსაძე


„ბაკურ სულაკაურის გამომცემლობასთან" ერთად წიგნზე მუშაობდა საქართველოს კულინარიის აკადემია, რომელმაც წიგნისათვის შეარჩია შეფმზარეულები და შეფკონდიტერები, შექმნა კერძების მომზადებისა და გადაღებისათვის შესაბამისი გარემო.