დღეს ბანგლადეშელ ტაქლიმა ჯაჰან ნიტუზე მოგიყვებით, რომელიც 10 წლის არის და იშვიათი დაავადება, ბავშვთა პროგერია მცირე ასაკში აღმოაჩნდა.

ნიტუს მამა მუშად მუშაობს, დედა დიასახლისია. ოჯახში ის რიგით მეოთხე ბავშვია და სულ სამი და და სამი ძმა ჰყავს.

როდესაც ის 3 თვის იყო, დედამ უეცრად აღმოაჩინა, რომ შვილმა ზრდა შეწყვიტა და სხვა ბავშვებთან შედარებით გაცილებით პატარა ტანი ჰქონდა. გარდა ამისა, ნიტუს თმის ცვენაც დაეწყო. საბოლოოდ დადგინდა, რომ მას იშვიათი დაავადება ბავშვთა პროგერია სჭირდა.

მიუხედავად იმისა, რომ ექიმებმა ოჯახისთვის ძალიან შემაძრწუნებელი პროგნოზი გააკეთეს და თქვეს, რომ ბავშვები ამ დიაგნოზით მხოლოდ 13-15 წლამდე ცოცხლობენ, ნიტუსა და მის მშობლებს ფარ-ხმლის დაყრა არც უფიქრიათ.

ნიტუ ძალიან ნიჭიერი, მხიარული და მოსიყვარულე ბავშვია. უყვარს სკოლაში სიარული, სწავლა, ხატვა და თოჯინებით ბავშვებთან ერთად თამაში. მისი საოცრად საინტერესო და აქტიური ცხოვრება კი ნებისმიერი ადამიანისათვის მისაბაძი და სამაგალითო შეიძლება გახდეს.

ნიტუ პროგერიას ძალიან მამაცურად ებრძვის

მას ძალიან უყვარს ხატვა

და გიჟდება მაკიაჟის გაკეთებაზე

მისთვის ტრადიციული აქსესუარების ტარებაც ძალიან მნიშვნელოვანია

უყვარს მეზობელ ბავშვებთან ერთად თამაში

რა თქმა უნდა, გიჟდება საკუთარ და-ძმებზე

ყველაზე დიდ მხარდაჭერასა და სიყვარულს კი დედამისისგან გრძნობს

არა! ბრძოლაში ის მარტო არ არის, რადგან მის უკან უამრავი კარგი და მოსიყვარულე ადამიანია

ფოტო: boredpanda

პროგერია

პროგერია, იგივე ნაადრევი სიბერის სინდრომი, პირველად 100 წლის წინ აღმოაჩინეს. ამ დაავადების მქონე ადამიანები ჩვეულებრივზე 50-ჯერ უფრო სწრაფად ბერდებიან.

არსებობს ორი სახის პროგერია - ბავშვებისა და მოზრდილების. ჩვილ ბავშვებში ის 6-12 თვის ასაკიდან იჩენს თავს, რაც გამოიხატება წონის სწრაფად კლებითა და კანის დანაოჭებით. როგორც წესი, ასეთი ბავშვები 10-15 წლის ასაკში იღუპებიან.

მოზრდილთა პროგერია კი სექსუალური მომწიფების ასაკიდან ვლინდება და სიმპტომები აქაც ანალოგიურად ვითარდება.