ოსკარის მფლობელი მსახიობი, შარლიზ ტერონი ამბობს, რომ რასიზმის გამო, შესაძლოა, ის და თავისი შვილები ამერიკიდან წავიდნენ.

"არც კი ვიცი როგორ უნდა ვთქვა და ვწუხვარ, რომ ამაზე საუბარი მიწევს, მაგრამ რასიზმი ჩვენს ქვეყანაში ისევ არსებობს. ამას ყოველ ნაბიჯზე ვგრძნობ და არ მსურს, რომ ჩემი შვილები ამ გარემოში ცხოვრობდნენ", - ამბობს მსახიობი.

შარლიზ ტერონს ორი შავკანიანი შვილი ჰყავს, ექვსი წლის ჯექსონი მსახიობმა 2012 წელს იშვილა, ორი წლის ავგუსტი კი 2015-ში.

"ბოლო პერიოდში ჩემმა სამსახურმა დამარწმუნა, რომ აქ [აშშ-ში] არსებობს შტატები, სადაც მე ჩემს შვილებთან ერთად ვერ წავალ, რადგან იქ მათ კანის ფერის გამო პრობლემები შეექმნებათ. აქაურობა მიყვარს, მაგრამ ჯექსონის და ავგუსტის უსაფრთხოება ჩემთვის უპირველესია", - ამბობს ტერნი.

ოსკაროსანმა მსახიობმა აშშ-ს მოქალაქეობა 2007 წელს მიიღო.