GOT-ის სცენარისტები დევიდ ბენიოფი და დენიელ უეისი სტუდია Lucasfilm-ის დაკვეთით ვარსკვლავური ომების ახალ ფილმზე იმუშვებენ.

"დევიდი და დენი საუკეთესო სცენარისტები არიან. მათ შეუძლიათ საინტერესო, ღრმა და მდიდარი პერსონაჟებისა და ისტორიების შექმნა, ზუსტად ისეთის როგორიც ჩვენს ფილმს მოუხდება", - ამბობს Lucasfilm-ის პრეზიდენტი კეტლინ კენედი.

თავად ბენიოფი და უეისი კი ამბობენ, რომ ფილმზე მუშაობას მას შემდეგ დაიწყებენ, რაც GOT-ის ფინალს დაასრულებენ.

"ჩვენ ამაზე დიდი ხნის განმავლობაში ვოცნებობდით და ახლა უნიკალური შესაძლებლობა მოგვეცა, თუმცა ვაღიარებთ, რომ ამ პასუხისმგებლობით ცოტა შეშინებულებიც ვართ. ერთი სული გვაქვს, როდის დავიწყებთ გადაღებებს, ეს კი მაშინვე მოხდება, რაც სამეფო კარის თამაშების ბოლო სეზონზე დავასრულებთ მუშაობას", -ამბობს დევიდ ბენიოფი.