ქართველი მეცო-სოპრანო, ნინო სურგულაძე Netflix-ისა და TNT-ს ახალ სერიალში, The Alienist, გადაიღეს. როგორც ცნობილია, ის ახალი შოუს ერთ-ერთ ეპიზოდში გამოჩნდება და მომღერლის როლს შეასრულებს.

ამის შესახებ ინფორმაცია მომღერალმა საკუთარ ფეისბუკის გვერდზე გაავრცელა.

სერიალის სიუჟეტი მეცხრამეტე საუკუნეში ვითარდება. კრიმინალურ თემებზე მომუშავე ჟურნალისტი ფსიქოლოგს ხვდება და მასთან ერთად სერიული მკვლელობების გამოძიებას იწყებს.

სერიალი ეკრანზე 2018 წლის 22 იანვარს გამოვიდა, მთავარ როლებს კი დაკოტა ფენინგი, დანიელ ბრიული, დუგლას სმიტი და ლიუკ ევანსი თამაშობენ.