თბილისის ახლადარჩეული მერი, კახა კალაძე ამბობს, რომ თბილისის მერიაში უფლებამოსილების დაწყების შემდეგ საკადრო ცვლილებები იქნება. მისივე თქმით, უწყებაში იქნება რეფორმა და სტრუქტურული ცვლილებები. კალაძემ გეგმების შესახებ რამდენიმე წუთის წინ ბრიფინგზე ისაუბრა.

"სხვათა შორის ბევრი კომპეტენტური ადამიანი მუშაობს მერიაში და მაქსიმალურად შევეცდებით ყველას პროფესიონალიზმი იქნეს გამოყენებული ქალაქის საკეთილდღეოდ", - აღნიშნა კალაძემ.

მისივე თქმით, პროცედურების გათვალისწინებით, მას თანამდებობაზე მუშაობის დაწყება ნოემბრის შუა რიცხვებიდან შეეძლება.

ახლადარჩეულ მერს დღევანდელ ბრიფინგზე მომავალი მოადგილეების შესახებ არ უსაუბრია.

კალაძე თბილისის მერი 21 ოქტომბერს გამართული თვითმმართველობის არჩევნებით გახდა, თუმცა ცესკოს საბოლოო მონაცემები ჯერ არ გამოუქვეყნებია.