"კრწანისის ტყე-პარკი წარმოადგენს უნიკალურ ეკოსისტემას, რაც სრულიად საკმარის მიზეზს წარმოადგენს იმისათვის, რომ ამ ტერიტორიაზე არ იქნას დაშვებული ურბანული განაშენიანება", — ამის შესახებ სოციალურ ქსელში მეუფე ზენონ იარაჯული წერს.

მისი თქმით, წლების წინ "ეს ტყე- პარკი შემოდიოდა საპატრიარქოს იმ დეპარტამენტში, რომელსაც ის ხელმძღვანელობდა და იგი სწორედ მისი ბუნებრივი დანიშნულების გათვალისწინებით გადმოეცა საპატრიარქოს, რომ ტყე-პარკის ტერიტორიაზე არ წარმოქმნილიყო ურბანული განაშენიანება და დაცულიყო ტყის მასივი".

"კრწანისის ტყე-პარკი წარმოადგენს უნიკალურ ეკოსისტემას, რაც სრულიად საკმარის მიზეზს წარმოადგენს იმისათვის, რომ ამ ტერიტორიაზე არ იქნას დაშვებული ურბანული განაშენიანება. თავის დროზე ეს ტყე- პარკი შემოდიოდა საპატრიარქოს იმ დეპარტამენტში, რომელსაც მე ვხელმძღვანელობდი მრავალი წლის წინ და იგი სწორედ მისი ბუნებრივი დანიშნულების გათვალისწინებით გადმოეცა საპატრიარქოს. რომ ტყე-პარკის ტერიტორიაზე არ წარმოქმნილიყო ურბანული განაშენიანება და დაცულიყო ტყის მასივი.

თბილისისათვის მისი ეკოლოგიური და სასიცოცხლო მნიშვნელობა სრულიად საკმარისი არგუმენტია რათა საზოგადოებამ შეძლოს მისი დაცვა. ამ საკითხის გადაწყვეტასთან დაკავშირებით ჩვენი მოქალაქეების ჯანმრთელობისა და სიცოცხლის უსაფრთხოების საკითხი წარმოადგენს ყველაზე ძლიერ არგუმენტს. გონიერება ამ მოტივაციის მიხედვით უნდა იჩენდეს პრინციპულობას და ტყე- პარკის ეკოსისტემის ფაქტორზე აკეთებდეს აქცენტს", — წერს მეუფე ზენონ იარაჯული.


კრწანისის ტყე-პარკისა და არაბული ინვესტიციის შესახებ წაიკითხეთ ინტერვიუ ფინანსისტ ნიკა შურღაიასთან: