ბრიტანეთში თავშესაფრის მაძიებლებთან დაკავშირებული პოლიტიკის ყველაზე მასშტაბური გადახედვის ფარგლებში, ლტოლვილთა სტატუსი დროებითი გახდება და მუდმივ ბინადრობაზე ლოდინის ვადა ოთხჯერ — 20 წლამდე იზრდება. ამის შესახებ Reuters წერს.

ქვეყნის ლეიბორისტული მკაცრ იმიგრაციულ პოლიტიკას ატარებს. ცვლილებების ფარგლებში, ქვეყნის შინაგან საქმეთა სამინისტრო აცხადებს, რომ გაუქმდება თავშესაფრის მაძიებელთა მხარდაჭერის ვალდებულება — საცხოვრებლისა და ყოველკვირეული სახელმწიფოს დახმარების ჩათვლით. შეზღუდვა იმ პირებზე გავრცელდება, რომლებსაც შეუძლიათ იმუშაონ, მაგრამ ამას არ აკეთებენ, ან კანონს არღვევენ. სახელმწიფო მხარდაჭერა პრიორიტეტულად მიენიჭებათ მათ, ვინც ეკონომიკაში და ადგილობრივ საზოგადოებებში წვლილს შეიტანს.

სამინისტროს თქმით, ლტოლვილთა დაცვა იქნება დროებითი, რეგულარულად შემოწმდება და შეჩერდება, თუ მათი სამშობლო უსაფრთხოდ ჩაითვლება.

ლტოლვილთა სტატუსი ყოველ ორ წელიწადნახევარში გადაიხედება და მუდმივ ბინადრობამდე გზას 20 წელი დასჭირდება.