წყალტუბოს მუნიციპალიტეტში ავარია მოხდა. ერთმანეთს სატვირთო და მსუბუქი მანქანები შეეჯახნენ, რის შედეგადაც 30 წლის კაცი დაიღუპა. ინფორმაციას NEWS.On.ge-ს შინაგან საქმეთა სამინისტროში უდასტურებენ.

შემთხვევა სოფელ გეგუთში მოხდა.

როგორც უწყებაში გვითხრეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.