ჰოლანდი, ტომ ჰოლანდი?

მას შემდეგ, რაც Amazon MGM სტუდიამ ჯეიმს ბონდის ახალი ფილმის გამოსვლა დააანონსა, უამრავი ჭორი დადის იმის შესახებ, ვინ შეასრულებს ჯეიმს ბონდის როლს დენიელ კრეიგის შემდეგ. მსახიობი, ჯერჯერობით, შერჩეული არ არის, თუმცა, როგორც ცნობილია, ლეგენდარული ჯეიმს ბონდის როლზე ჩვენი მეგობრული მეზობელი ადამიანი ობობაც განიხილება.

ფოტო: Franco Origlia/WireImage; Sony Pictures/courtesy Everett

გორდონ რემზის YouTube-ის სერიალ Scrambled-ის ერთ-ერთ ეპიზოდში გამოჩენისას, ჰოლანდმა მიმდინარე ვარაუდებზე ისაუბრა და აღნიშნა, რომ ამ როლის მიღება ყველა მსახიობისთვის "კარიერის მწვერვალია".

გადაცემაში წამყვანმა მსახიობს ჰკითხა, როგორ წარმოუდგენია თავისი ცხოვრება იმ შემთხვევაში, ის 007-ის როლს მოირგებს.

"ალბათ ძალიან კარგი შესაძლებლობა იქნება, არა?" — ჰკითხა ჰოლანდს რემზიმ.

"ეს როლი ყველა ახალგაზრდა ბრიტანელი მსახიობისთვის კარიერის ერთგვარი მწვერვალია", — თქვა ჰოლანდმა — "მე თავს უკვე ყველაზე იღბლიან ადამიანად მივიჩნევ, ვერც კი ვიოცნებებდი, რომ ამდენს მივაღწევდი".

ფოტო: Getty Images

როგორც ცნობილია, ბონდიანას ახალ ფილმს დიუნის რეჟისორი დენი ვილნევი გადაიღებს, ხოლო სცენარს ალესილი კეპების სცენარისტი, სტივენ ნაიტი, დაწერს. მათ პროდიუსერები, ბარბარა ბროკოლი და მაიკლ ჯ. უილსონიც შეუერთდებიან.

აღსანიშნავია, რომ ჯეიმს ბონდის როლზე, ჰოლანდთან ერთად მთავარ ფავორიტებად განიხილებიან — აარონ-ტეილორ ჯონსონი და ჯეიმს ნორტონი, თუმცა საუბარი არის ასევე ირლანდიელ მსახიობ პოლ მესკალზეც.

აარონ-ტეილორ ჯონსონი

აარონ-ტეილორ ჯონსონი

ფოტო: indepedent

ჯეიმს ნორტონი

ჯეიმს ნორტონი

ფოტო: IMDB

პოლ მესკალი

პოლ მესკალი

ფოტო: vanity fair

ჯერჯერობით უცნობია, ვის ვიხილავთ ლეგენდარული ჯეიმს ბონდის როლში, თუმცა, შეგახსენებთ, რომ მანამდე ტომ ჰოლანდის ნახვას ორ ახალ ფილმში — ადამიანი-ობობა: სრულიად ახალი დღესა და ოდისეაში — შევძლებთ.

ადამიანი ობობას მეოთხე ნაწილს ეკრანებზე 2026 წლის 31 ივლისს, ხოლო კრისტოფერ ნოლანის ოდისეას იმავე წლის, 17 ივლისს, ვიხილავთ.

ასევე ნახეთ: