პოლონეთის პრეზიდენტი ანჯეი დუდა კიევში ჩავიდა. ინფორმაციას უკრაინის საგარეო საქმეთა მინისტრი, ანდრეი სიბიგა სოციალურ ქსელში ავრცელებს.

პოლონეთის პრეზიდენტს კიევის რკინიგზის სადგურზე უკრაინის საგარეო საქმეთა მინისტრი დახვდა.

ანდრეი სიბიგას ცნობით, ანჯეი დუდა დღეს კიევში ვიზიტის ფარგლებში უკრაინის კონსტიტუციის დღეს აღნიშნავს და პრეზიდენტ ვოლოდიმირ ზელენსკის შეხვდება.

"პრეზიდენტი დუდა რუსეთის სრულმასშტაბიანი აგრესიის ყველაზე რთულ პერიოდში უკრაინის გვერდით იდგა. ჩვენ მისი და ყველა პოლონელის მადლობელი ვართ, რომლებიც უკრაინის მიმართ სოლიდარობას გამოხატავენ. ჩვენი სტუმარი ჩვენთან ერთად აღნიშნავს უკრაინის კონსტიტუციის დღეს და შეხვდება პრეზიდენტ ზელენსკის", — წერს ანდრეი სიბიგა X-ზე.