Brooklyn Grange ამერიკული კომპანიაა, რომელიც ნიუ-იოკრში რამდენიმე ურბანულ ფერმას ფლობს. ფერმები შენობების სახურავებზეა განთავსებული და წელიწადში 22 ტონაზე მეტი ბოსტნეულის მოსავალს იძლევა. გარდა ბოსტნეულისა, კომპანია თაფლსაც აწარმოებს, ხოლო სკები ნიუ-იორკის სხვადასხვა შენობების სახურავებზეა განთავსებული.

Brooklyn Grange 2010 წლიდან არსებობს და ამჟამად ორ დიდ ურბანულ ფერმას ფლობს. ბრუკლინში - 6000 მ2, ხოლო ლონგ აილენდ სითიში - 4000 მ2 ფართობის ბაღებს.

აქ დასაქმებულ ფერმერებს მუშაობა გრანდიოზული და ულამაზესი ხედების ფონზე უწევთ.

ფოტო: VALERY RIZZO

ფოტო: VALERY RIZZO

ფოტო: VALERY RIZZO

ფერმაში თითქმის ყველა სახის ბოსტნეული მოჰყავთ და ადგილობრივ მაღაზიებში ყიდიან.

ფოტო: VALERY RIZZO

ფოტო: VALERY RIZZO

ფოტო: VALERY RIZZO

გარდა მიწათმოქმედებისა, ფერმაში უამრავი სხვა აქტივობის დაგეგმვაც შეიძლება. აქ არის იოგას კლასები, ექსკურსიები და სხვადასხვა სახის წვეულებებისთვის გამოყოფილი სივრცე. თუ დაბადების დღის ან რამე სხვა სახის ღონისძიებას აქ დაგეგმავთ, თქვენს სტუმრებს აქვე მოყვანილი ხილ-ბოსტნეულით გაუმასპინძლდებიან.

როგორც ხედავთ, ურბანული ფერმერობა ჰიფსტერული ტრენდიდან - წარმატებულ ბიზნესად იქცა და მსოფლიოს სხვადასხვა ქალაქებს იპყრობს.