ნიუ-იორკში გამართულ Mother!-ის პრემიერაზე ოსკარის მფლობელი მსახიობი ჯენიფერ ლოურენსი და რეჟისორი დარენ არანოვსკი ერთად მივიდნენ, ეს იყო ის იშვიათი შემთხვევა, როდესაც წყვილი წითელ ხალიჩაზე ერთად გამოჩნდა.

რა თქმა უნდა პრესისთვის მათი ერთად გამოჩენა საღამოს ყველაზე მნიშვნელოვანი მოვლენა იყო, ჟურნალ People-სთან მიცემულ ინტერვიუში არანოვსკიმ და ლოურენსმა ერთმანეთის მისამართით ქათინაურებიც არ დაიშურესა და მათ ურთიერთობაზეც გააკეთეს კომენტარი.

პრესასთან გაკეთებული განცხადებებისა და ფილმის წარმატებული პრემიერის მიუხედავად, მომდევნო დღეს ყველა მაინც ჯენიფერ ლოურენსის კონკიას კაბაზე საუბრობდა და წერდნენ, რომ ლოურენსმა წითელ ხალიჩაზე ფურორი მოახდინა.

ფოტო: REX/Shutterstock

ფოტო: FilmMagic

ფოტო: Splash News

ფოტო: WENN.com

დედა - ასე ჰქვია დარენ არანოვსკის ახალ ფილმს, სადაც მთავარ როლებს ჯენიფერ ლოურენსი, მიშელ ფაიფერი, ედ ჰარისი და ხავიერ ბარდემი შეასრულებენ.

ფილმის სიუჟეტი ერთი ოჯახის გარშემო ვითარდება, რომლის სიმყუდროვესაც დაუპატიჟებელი სტუმრები არღვევენ და მათ მშვიდ ცხოვრებას წერტილს უსვამენ.