"რა ფასი შეიძლება ჰქონდეს არჩევნებს ქვეყანაში, რომელიც სამი წელია იცავს თავს მეზობელი ბირთვული ზესახელმწიფოს აგრესიისგან?" — ამის შესახებ სოციალურ ქსელ X-ზე ჩეხეთის პრეზიდენტი, პეტრ პაველი წერს. მისი თქმით, დიდ ცინიზმს მოითხოვს, რომ ასეთი ქვეყნის — უკრაინის პრეზიდენტს დიქტატორი უწოდო.

"რა ფასი შეიძლება ჰქონდეს არჩევნებს ქვეყანაში, რომელიც სამი წელია იცავს თავს მეზობელი ბირთვული ზესახელმწიფოს აგრესიისგან? როგორ შეიძლება არჩევნები ჩაატარო, როდესაც მისი ტერიტორიის მეხუთედი ოკუპირებულია საოკუპაციო ძალების მიერ და მთელი ქვეყანა ყოველდღიური დაბომბვის ქვეშაა? დიდ ცინიზმს მოითხოვს, რომ ასეთი ქვეყნის პრეზიდენტს დიქტატორი უწოდო", — წერს დონალდ ტრამპის საპასუხოდ ჩეხეთის პრეზიდენტი, პეტრ პაველი X-ში.

19 თებერვალს აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. ტრამპმა ზელენსკის დიქტატორიც კი უწოდა და არჩევნების დანიშვნისკენ მოუწოდა.