ამერიკის სახელმწიფო მდივანი, მარკო რუბიო X-ზე ეხმაურება ბალტიისპირეთის ქვეყნების მიერ რუსეთზე ენერგეტიკული დამოკიდებულებისგან გათავისუფლებას.

"ისტორიული მიღწევა ევროატლანტიკური უსაფრთხოებისთვის, რომელიც აშშ-ის ენერგეტიკულ სექტორს ახალ შესაძლებლობებს მოუტანს — ბალტიისპირეთის ქვეყნებმა რუსეთთან ენერგეტიკული კავშირები გაწყვიტეს", — წერს სოციალურ პლატფორმაზე რუბიო.

ინფორმაციისთვის ბალტიისპირეთის ქვეყნები, ლიეტუვა, ლატვია და ესტონეთი გუშინ კონტინენტური ევროპის ელექტროგადამცემ ქსელს შეუერთდნენ. ლიეტუვამ, ესტონეთმა და ლატვიამ თავიანთი ელექტროსისტემები რუსეთის ელექტროქსელიდან 8 თებერვალს გათიშეს.