პოლიტიკური კრიზისი უკვე გადადის ეკონომიკურ კრიზისში, — ამის შესახებ “ჯანდაცვის ჯგუფის” გენერალური დირექტორი, ინვესტორი, ნიკოლოზ გამყრელიძე "პუბლიკასთან" საუბრობს.

"პოლიტიკური კრიზისი უკვე გადადის ეკონომიკურ კრიზისში. ამის ნიშნები უკვე არის. ქვეყანა არის იზოლაციის ზღვარზე. ჩვენი ყველა დასავლელი პარტნიორისგან გაჩერებულია ფინანსური დახმარებები, გაჩერებულია საერთაშორისო სავალუტო ფონდის პროგრამა, შემცირებულია ტურიზმი — ეს გავლენას ახდენს დოლარის შემოდინებაზე.
ყველაზე დიდი შიში, რაც შეიძლება მოსახლეობას და ბიზნესს უნდა ჰქონდეს, არის ის, თუ რა წნეხი იქნება შემდგომში ლარსა და ფასების ზრდაზე", — ამბობს გამყრელიძე.

ის ბიზნესმენები, რომლებმაც ხელი მოაწერეს თავისუფალი ბიზნესების განცხადებას და მხარი დაუჭირეს ახალი საპარლამენტო არჩევნების დანიშვნის მოთხოვნას, "შერატონ მეტეხი პალასში" შეიკრიბნენ და ქვეყანაში არსებული ვითარება და მისი ეკონომიკაზე გავლენა განიხილეს.