საქართველოს ბანკი ყოველთვის იცავდა და დაიცავს საკუთარი თანამშრომლების გამოხატვის თავისუფლებას, — ამის შესახებ ბანკის მიერ გავრცელებულ განცხადებაშია ნათქვამი.

ბანკი წერს, რომ ამასთანავე, როგორც ფინანსური ინსტიტუტი, ბანკი გააგრძელებს მასზე დაკისრებულ პასუხისმგებლობის შესრულებას.

"საქართველოს ბანკი ყოველთვის იცავდა და დაიცავს საკუთარი თანამშრომლების გამოხატვის თავისუფლებას.

ამასთანავე, როგორც ფინანსური ინსტიტუტი, გავაგრძელებთ ჩვენზე დაკისრებული პასუხისმგებლობის შესრულებას — მომხმარებლებს შეუფერხებლად მივაწოდოთ საბანკო სერვისები ნებისმიერ ვითარებაში", — წერს ბანკი.

შეგახსენებთ, რომ პროევროპულ აქციაზე დაკავებული ანდრო ჭიჭინაძის დედა ლიკა გუნცაძე და აქტივისტები — პაატა ციკოლია, კახა კინწურაშვილი, ელენე ქაიხოსროშვილი, ლაშა ბუღაძე, რატი ამაღლობელი საქართველოს ბანკის გენერალურ დირექტორს არჩილ გაჩეჩილაძეს შეხვდნენ და მიიღეს პირობა, რომ პრობლემები არ შეექმნებათ საქართველოს თანამშრომლებს, რომლებიც მონაწილეობა მიიღოს საყოველთაო გაფიცვაში, რომელიც 15 იანვარს 15:00 საათიდან 18:00 საათამდე იგეგმება.

შეხვედრა გაიმართა ასევე თიბისი ბანკის გენერალურ დირექტორ ვახტანგ ბუცხრიკიძესთანაც. ბანკის მიერ გავრცელებულ წერილში ნათქვამია, რომ "თიბისი ბანკის პატივს სცემს გუნდის წევრების უფლებებს, მათ შორის, გამოხატვის თავისუფლებას".