რუსეთის დუმის განათლებისა და მეცნიერების კომიტეტის თავმჯდომარის, ვიაჩესლავ ნოვიკოვის განცხადებით, რუსული ენის მცოდნეთა რაოდენობა ბოლო 25 წელიწადში 50 მილიონით შემცირდა.

"ყოფილ საბჭოთა კავშირში რუსული ყველა მოქალაქემ იცოდა. ბოლო 25 წელიწადში ძველი თაობა წავიდა, ხოლო ახალმა რუსული არ იცის. გარდა ამისა, საბჭოეთის დროს, აღმოსავლეთ ევროპის სკოლებში რუსული ენა პროგრამაში შედიოდა, ახლა კი ასე აღარ არის", აცხადებს ნოვიკოვი.

მისი თქმით, ეს ტენდენცია შეუქცევადია.

"ჩვენ უნდა გავზარდოთ ევრაზიული კავშირის გეოგრაფიული მოცულობა და ხელი შევუწყოთ რუსული ენის გავრცელებას იქ, სადაც ამის მოთხოვნაა, მაგალითად, სომხეთში, მოლდოვაში, ტაჯიკეთსა და ყირგიზეთში", განაცხადა მან.

ასევე იხილეთ: თბილისის 146-ე სკოლის მოსწავლეები ანექსირებულ ყირიმში რუსული ენის შესასწავლად გაემგზავრნენ