საქართველოს სახალხო დამცველი განცხადებას ავრცელებს, სადაც მოუწოდებს შინაგან საქმეთა სამინისტროს, ზედაპირული შემოწმების დროს და დათვალიერებისა და დათვალიერების დროს, მკაცრად იმოქმედოს დადგენილების წესებით და კანონმდებლობით დადგენის საფუძველზე არ მოახდინოს მოქალაქეთა შემოწმება.

ამასთან, სახალხო დამცველის მიერ გავრცელებულ განცხადებაში ვკითხულობთ, რომ ზედაპირული შემოწმება მხოლოდ მისი ტანსაცმლის გარე ზედაპირზე ხელით, სპეციალური ხელსაწყოთი ან საშუალებით შეხება გულისხმობს.

"საყურადღებოა, რომ ბოლო დღეების განმავლობაში მედიითა და სოციალური ქსელებით ვრცელდება ინფორმაცია, რომ მეტროში სამართალდამცავები აგრძელებენ საპოლიციო ღონისძიებების, მათ შორის, ზედაპირული დათვალიერების ჩატარებას, რასაც მგზავრთა უკმაყოფილება და მათთან შელაპარაკება მოჰყვება.

მოვუწოდებთ შინაგან საქმეთა სამინისტროს — საპოლიციო ღონისძიებების გატარებისას, მათ შორის, "პოლიციის შესახებ" საქართველოს კანონით გათვალისწინებული ზედაპირული შემოწმებისა და დათვალიერების განხორციელების დროს, მკაცრად იმოქმედოს დადგენილი წესებით და კანონმდებლობით დადგენილი საფუძვლის გარეშე არ მოახდინოს მოქალაქეთა შემოწმებები.

საზოგადოებას განვუმარტავთ, რომ პირის ზედაპირული შემოწმება გულისხმობს მისი ტანსაცმლის მხოლოდ გარე ზედაპირზე ხელით, სპეციალური ხელსაწყოთი ან საშუალებით შეხებას. ამასთან, პოლიციელი ზედაპირული შემოწმება და დათვალიერების განხორციელებისას ვალდებულია შეადგინოს შესაბამისი ოქმი.

უფლებადარღვევის შემთხვევებზე შეტყობინების მიღების მიზნით, სახალხო დამცველის აპარატის ცხელი ხაზი - 14 81 - მუშაობს 24 საათიან რეჟიმში", — ნათქვამია განცხადებაში.