კვირას, 1 დეკემბერს, ლიონის ოლიმპიკის მოთამაშე ჟორჟ მიქაუტაძე ლიონის მახლობლად საკუთარ სახლში გაძარცვეს. მას სახლთან ორი შეიარაღებული პირი დახვდა და სახლში შესვლა აიძულა. ინფორმაციას ფრანგული მედია ავრცელებს.

მძარცველებმა რამდენიმე ძვირფასი საათი და სხვა ნივთები წაიღეს. ნაძარცვის ღირებულება დაახლოებით 150 000-დან 200 000 ევრომდეა.

როგორც ფრანგული მედია წერს, მძარცველებმა მიმალვა შეძლეს. პოლიცია მათ ამ დრომდე ეძებს.