საგადასახადო კოდექსში ცვლილების შესატანი კანონპროექტის თანახმად, 2016 წლის 1 იანვრამდე მოქმედი საგადასახადო შეღავათი, იმ სოფლებში, დაბებში და თემებში გავრცელდება, რომლებიც 2016 წლის 1 იანვრამდე მოქმედი „მაღალმთიანი რეგიონების სოციალურ-ეკონომიკური და კულტურული განვითარების შესახებ“ კანონის მე-6 მუხლით გათვალისწინებულ ჩამონათვალშია.

პროექტის მიხედვით, მაღალმთიან დასახლებაში მუდმივად მცხოვრებ ერთ, ან ორშვილიან პირს, საბიუჯეტო ორგანიზაციიდან ერთი წლის განმავლობაში ხელფასის სახით მიღებულ 3000 ლარამდე დასაბეგრ შემოსავალზე, საშემოსავლო გადასახადი 50 პროცენტით შეუმცირდება.

კანონპროექტის ავტორების მიხედვით, ინიციატივის მიზანია მაღალმთიან დასახლებაში მცხოვრებ პირთა მიმართ მოქმედი საგადასახადო შეღავათების მარეგულირებელი ნორმების დაზუსტება.