თბილისის მერი, დავით ნარმანია ამბობს, რომ თბილისში, პეკინის ქუჩა შესაძლოა ცალმხრივი გახდეს. ნარმანიას განმარტებით ამ საკითხზე კვლევა ტარდება. პეკინის ქუჩასთან დაკავშირებით მერის პოზიციას თბილისის მერიის პრესსამსახური ავრცელებს.

"არ გამოვრიცხავთ, რომ იყოს ცალმხრივი მოძრაობა. ამასთან ერთად, ვმუშაობთ იმაზე, რომ გაკეთდეს ცალკე ავტობუსების ხაზი, სადაც ავტობუსი უფრო სწრაფად და კომფორტულად გადაადგილდება. ვმუშაობთ ასევე ველობილიკებთან დაკავშირებით. გარდა ამისა, ჩვენ უკვე მოვამზადეთ გამწვანების კომპონენტი და პეკინის გამზირზე მწვანე ნარგავები დაირგვება", - აღნიშნა ნარმანია.

ამ ეტაპზე პეკინის ქუჩაზე გზის სარეაბილიტაციო სამუშაოები მიმდინარეობს. ნარმანიას თქმით, სამუშაოები 10 სექტემბერს დასრულდება.