2023 წლის 1-ელ დეკემბერს იმედი დატოვა ჟურნალისტმა რუსა შელიამ. ის არხისთვის, 2022 წლის 13 აპრილიდან, ვაშინგტონიდან მუშაობდა.

რა ხდება: On.ge-ზე გამოქვეყნებულ ოპ-ედში (opposite the editorial page) ჟურნალისტი რუსა შელია წერს, რომ ვაშინგტონის ბიუროში მუშაობისას, ტელეკომპანია იმედი აძლევდა დავალებებს აშშ-ის დისკრედიტაციის მიზნით.

  • რუსა შელიამ იმედიდან წასვლის შესახებ 2023 წლის 1-ელ დეკემბერს განაცხადა.
  • მანამდე, აშშ-ში წასვლამდე, რუსა შელია იყო არხის საინფორმაციო-ანალიტიკური გადაცემების წამყვანი და ჟურნალისტი.

დეტალები: რუსა შელია წერს, რომ:

  • თავდაპირველად, წერდა ინტერვიუებს სახელმწიფო დეპარტამენტის მაღალჩინოსნებთან, ექსპერტებთან, ევროპელ ლიდერებთან;
  • პირველ ეტაპზე, ამგვარი მასალების გაშუქებაზე, იმედისგან უარი არ მიუღია.
  • რუსა შელია: "ინტერვიუების ე.წ. თაროზე შემოდება და ასევე, კონკრეტული მოთხოვნები, ნელ-ნელა, ეტაპობრივად და ახლა რომ ვიხსენებ, საკმაოდ ფრთხილად და შეფარვით დაიწყო.

  • ასევე, ეტაპობრივად გაქრა ინტერესი იმ თემების გაშუქებაზე, რაც არამხოლოდ საქართველოსთვის, სრულიად მსოფლიო მედიისთვის ხდებოდა ხოლმე მთავარი “ნიუსი”. ის ჩაანაცვლა ისეთმა "დავალებებმა", რომელიც თავიდან ბოლომდე ემსახურებოდა მხოლოდ შეერთებული შტატების დისკრედიტირებას."

ასევე,

  • ტელეკომპანიიდან არაერთი ზარი მიიღო "ისტერიული ტექსტებით" მას შემდეგ, რაც ჟურნალისტმა ფეისბუქზე რუსული კანონი გააკრიტიკა და მოსთხოვეს, თბილისში დაბრუნებულიყო.
  • "მეც მქონდა მათთან მოთხოვნა და მთავარი შეკითხვა — რა მიზეზით მიცვლიდა ტელევიზია სულ ცოტა ხნის წინ დადებულ ოფიციალურ პირობას? ბუნებრივია, კონკრეტული პასუხი ვერ მოვისმინე, თუმცა, რა თქმა უნდა, სრულიად გასაგები იყო, რომ მომავალ ორწლიან მუშაობაზე გათვლილ ბიუროს, ერთ თვეში, ჩემი საჯარო პოსტის გამო ხურავდნენ. ბევრი ტექნიკური დეტალის გათვალისწინებით და საკმაოდ მძიმე საუბრის შემდეგ, მაშინ შევთანხმდით, რომ ერთმანეთს დეკემბერში დავემშვიდობებოდით", — ამბობს ის.

ბოლო ხაზი: 2022 წლიდან, რუსეთის მიერ უკრაინაში ომის დაწყების შემდეგ, იმედი საქართველოს ხელისუფლების ანტიდასავლურ გზავნილებს იმეორებს.

გაიგე მეტი: რატომ დავტოვე "იმედი"? — რუსა შელიას ოპ-ედი