დეტალები: გარემოს დაცვისა და სოფლის მეურნეობის სამინისტროსთან, 18 ნოემბერს დაკავებული ვარლამ გოლეთიანი გაათავისუფლეს.

  • გოლეთიანისა და სხვა 7 დაკავებულის სასამრთლო პროცესი 29 ნოემბრისთვის გადაიდო.
  • დანარჩენი 3 პირის საქმის განხილვა ამ დრომდე გრძელდება.
  • ვარლამი ამბობს, რომ პროტესტი ჩვეულ რეჟიმში გაგრძელდება.
  • "ერთი სათხოვარი გვაქვს საზოგადოებასთან, იქნებ მოვახერხოთ გაერთიანება, რომ ეს სამართლიანი პროტესტი და ბრძოლა მივიყვანოთ ბოლომდე", — თქვა მან მედიასთან საუბრისას.

რა ხდება: გუშინ, 18 ნოემბერს, გარემოსა და სოფლის მეურნეობის სამინისტროსთან, შსს-მ დააკავა რაჭის ტყეების პროტესტის 11 მონაწილე.

  • ისინი რაჭის ტყის ლიცენზიის გაუქმების მოთხოვნით აქციას მართავდნენ.
  • პროტესტის მონაწილეებმა სამინისტროს წინ გაშალეს პატარა კარავიც.
  • შსს ამტკიცებს, რომ აქციის მონაწილეებმა დაარღვიეს საზოგადოებრივი წესრიგი.