პეტიციაზე, სახელწოდებით ჩვენი ხმა ევროპას ხელმოწერა ონლაინ არის შესაძლებელი.

  • პრეზიდენტის ადმინისტრაციის განმარტებით, მსურველებს შეეძლებათ, დოკუმენტზე ხელი ორბელიანების სასახლეშიც მოაწერონ.

რა წერია ტექსტში: პეტიციით მოქალაქეები მიმართავენ ევროპის ლიდერებს, მიენიჭოს საქართველოს ევროკავშირის წევრობის კანდიდატის სტატუსი.

  • "საქართველოს კონსტიტუციაში ჩაწერილი პირობის თანახმად, ძალისხმევას არ დავიშურებთ და არაფერს დავაკლებთ ჩვენს მიზანს: სხვადასხვა პოლიტიკური მსოფლმხედველობის მიუხედავად, ერთობის ძალით ხელს ვაწერთ ამ პეტიციას და ვითხოვთ კანდიდატის სტატუსს", — აღნიშნულია დოკუმენტში.

ბოლო ხაზი: პეტიციაზე პირველი ხელმომწერი საქართველოს პრეზიდენტი იყო.

  • ევროკომისიის მიერ საქართველოსთვის კანდიდატის სტატუსის მინიჭების შესახებ დადებითი დასკვნის შემდეგ, ორბელიანების სასახლესთან, სალომე ზურაბიშვილის ინიციატივით, ღონისძიება გაიმართა, რომელსაც ევროკავშირის წევრი ქვეყნებისა და აშშ-ის ელჩები ესწრებოდნენ.
  • საბოლოო გადაწყვეტილება, მიანიჭებენ თუ არა სტატუსს საქართველოს, დეკემბერში გახდება ცნობილი.