რა ხდება: ჰეზბოლას ლიდერები ამბობენ, რომ თუ ღაზის სექტორში მშვიდობიანი მოსახლეობის მკვლელობა არ შეჩერდება, შუა აღმოსავლეთში უფრო მასშტაბური ომის საფრთხე იზრდება.

სტრიქონებს შორის: ჰეზბოლა შიიტური პოლიტიკური პარტია და სამხედრო დაჯგუფებაა ლიბანში, რომელსაც 1992 წლიდან ჰასან ნასრალა მართავს. ჰამასის მსგავსად, ჰეზბოლასაც ირანი აფინანსებს და ამარაგებს იარაღით.

  • ჰეზბოლა, ბევრმა ქვეყანამ, ტერორისტულ დაჯგუფებად ცნო.

დეტალები: შეიხ ნაიმ ყასემი, რომელიც ჰეზბოლაში, ჰასან ნასრალას შემდეგ მეორე პირია, BBC-სთან ამბობს, რომ რეგიონში, შესაძლოა, ძალიან სერიოზული და საშიში მოვლენები განვითარდეს.

  • "საფრთხე რეალურია, რადგან ისრაელი [ღაზის] მშვიდობიანი მოსახლეობის მიმართ აგრესიას ზრდის და უფრო მეტ ქალსა და ბავშვს კლავს. განა შესაძლებელია, ეს გაგრძელდეს ისე, რომ რეგიონს რეალური საფრთხე არ შეუქმნას? ჩემი აზრით, არა", — თქვა ყასემმა.

ბოლო ხაზი: ღაზაში ომს უკვე 10500-ზე მეტი ადამიანი ემსხვერპლა, მათ შორის 4300-ზე მეტი ბავშვია.

  • ჰამასის თავდასხმების შედეგად, 7 ოქტომბერს ისრაელში 1400 ადამიანი დაიღუპა, 200-ზე მეტი ჰამასს ტყვედ ჰყავს აყვანილი.