რატომ არის მნიშნველოვანი: 14 სექტემბერს აშშ-ის სახელმწიფო დეპარტამენტმა ყოფილი გენერალური პროკურორი, ოთარ ფარცხალაძე დაასანქცირა და განაცხადა, რომ FSB მას "ქართულ საზოგადოებასა და პოლიტიკაზე რუსეთის საკეთილდღეო გავლენის მოხდენისთვის" იყენებდა.

  • 18 სექტემბერს ეროვნულმა ბანკმა საერთაშორისო ფინანსური სანქციების აღსრულების მექანიზმის გათვალისწინებით ფარცხალაძეს საბანკო ანგარიშებზე წვდომა შეეზღუდა,
  • თუმცა მას შემდეგ, რაც ქართული ოცნების თავმჯდომარემ ამას არაკონსტიტუციური უწოდა, ეროვნულმა ბანკმა გადაიფიქრა.
  • სებ-ის პრეზიდენტის მოვალეობის შემსრულებელმა, ნათია თურნავამ გამოსცა ბრძანება სანქციათა შესრულების წესში ცვლილების შეტანაზე, რაც საქართველოს მოქალაქისთვის გამონაკლისის დაშვებას გულისხმობს.
  • ბრძანების თანახმად, საქართველოს მოქალაქეებზე სანქციათა რეჟიმი ამოქმედდება იმ შემთხვევაში, თუ მათ მიმართ საქართველოს სასამართლოს გამოტანილი ექნება გამამტყუნებელი განაჩენი.
  • თურნავა ამტკიცებს, თითქოს კონკრეტულად ფარცხალაძეს კი არა, ამ შემთხვევაში, მისი, როგორც საქართველოს მოქალაქის ინტერესებს იცავენ.

ფარცხალაძის მოქალაქეობის საკითხი რამდენიმე დღეა აქტიურად განიხილება. 19 სექტემბერს ამ თემაზე ჰკითხეს ირაკლი კობახიძეს, რომელიც ამტკიცებდა, თითქოს მედიიდან გაიგო, რომ ის რუსეთის მოქალაქეა.

  • ამავე დღეს პრეზიდენტმა დაპოსტა, რომ ფარცხალაძის მოქალაქეობის საკითხზე მასთან არანაირი დოკუმენტი არ გადაგზავნილა.
  • "პრეზიდენტი იუსტიციის სამინისტროდან ელოდება ოთარ ფარცხალაძისთვის საქართველოს მოქალაქეობის შეწყვეტაზე დასკვნას, რომელსაც დაუყოვნებლივ დააკმაყოფილებს", — განაცხადა მან მეორე პოსტში.
  • იუსტიციის სამინისტრომ კი მხოლოდ 20 მარტს 5:44-ზე განაცხადა, რომ სახელმწიფო სერვისების განვითარების სააგენტოში დაწყებულია წარმოება ფარცხალაძის საქართველოს მოქალაქეობის დაკარგვასთან დაკავშირებით.
  • მათივე თქმით, შესაბამისი პროცედურების დასრულების შემდგომ სააგენტოს დასკვნა საქართველოს მოქალაქეობის შეწყვეტის თაობაზე უმოკლეს ვადაში გადაეგზავნება საქართველოს პრეზიდენტს.

  • ამავე დღეს 7:55-ზე იუსტიციამ დაწერა, რომ სახელმწიფო სერვისების განვითარების სააგენტომ მიზანშეწონილად მიიჩნია ოთარ ფარცხალაძისთვის საქართველოს მოქალაქეობის შეწყვეტა და შესაბამისი დასკვნა გადაგზავნილია საქართველოს პრეზიდენტთან.

თუმცა ამ დროისთვის ფარცხალაძეს იუსტიციას დაქვემდებარებულ სხვა უწყებაში, უძრავი ქონების სააგენტოში, უკვე ყველაფერი ჰქონდა მოგვარებული. მან ქონება შვილს გადაუფორმა, აჩუქა.

  • ოთარ ფარცხალაძის მხრიდან ჩუქების ხელშეკრულების საფუძველზე შვილს, ანდრია ანზორ ფარცხალაძეს საჯარო რეესტრმა ერთ დღეში 12 განაცხადი დაურეგისტრირა.
  • უფრო ზუსტად, 20 სექტემბერს 12:16-დან 12:18 დროის მონაკვეთში შეტანილი დოკუმენტები, 17:59-მდე სრულად დაურეგისტრირა.
  • თითოეული მათგანის რეგისტრაციაში 350 ლარის გადახდილი და მითითებულია, რომ მომსახურების ვადა განცხადების წარდგენის დღესვეა.

ფარცხალაძის შვილის სახელზე გადაფორმდა: