ცოტა ხნის წინ HBO-მ The Idol-ის კიდევ ერთი ტრეილერი გამოუშვა. როგორც უკვე ვიცით, სერიალში მთავარ როლებს The Weeknd და ლილი როუზ დეპი შეასრულებენ. ახალი ტრეილერიდან კი მათი პერსონაჟების ურთიერთობის შესახებ მეტი დეტალი ხდება ცნობილი.

შეგახსენებთ, რომ The Idol-ზე Euphoria-ს შემქმნელი სემ ლევინსონი და The Weeknd ერთობლივად მუშაობენ. როგორც ცნობილია, The Weeknd შოუს შექმნის ყველა ასპექტში ჩართულია — არის ერთ-ერთი სცენარისტი, აღმასრულებელი პროდიუსერი და მსახიობი. The Idol-ს Euphoria-ს მსგავს წარმატებას უწინასწარმეტყველებენ.

The Idol-ში The Weeknd კულტის ლიდერის როლს ასრულებს, ხოლო ლილი როუზ დეპი — პოპვარსკვლავის. ლილიმ თავის გმირზე, ჯოსელინზე, საუბრისას განაცხადა, რომ მის უკეთ წარმოსადგენად შთაგონების წყაროდ მადონას, ბრიტნი სპირსისა და მერაია ქერის ცხოვრებას მიმართავს.

The Idol-ის პრემიერა 4 ივნისს შედგება.