ინფორმაციას თურქეთში საქართველოს ელჩი, გიორგი ჯანჯღავა ავრცელებს.

რატომ არის მნიშვნელოვანი: თურქეთში მიწისძვრა 6 თებერვალს, გვიან ღამით, ადგილობრივი დროით დილის 4 საათზე, ნურდაგიდან 23 კილომეტრში 7,8 მაგნიტუდის სიმძლავრის მიწისძვრა მოხდა.

  • გამთენიისას მომხდარ მიწისძვრას 40-ზე მეტი ბიძგი მოჰყვა, რომელთაგან ყველაზე ძლიერი 6,6 მაგნიტუდის იყო.
  • შუადღის შემდეგ კი, ეპიცენტრში კიდევ ერთი — 7,6 მაგნიტუდის მიწისძვრა დაფიქსირდა.
  • სამძებრო-სამაშველო სამუშაოები ამ დრომდე გრძელდება, რის გამოც, სავარაუდოდ, დაღუპულთა და დაშავებულთა რაოდენობის ზრდაა მოსალოდნელი.

დეტალები: თურქეთში დამანგრეველ მიწისძვრას საქართველოს 2 მოქალაქე ემსხვერპლა.

  • გიორგი ჯანჯღავას ცნობით, ნაპოვნია ყველა სხვა საქართველოს მოქალაქე, ვინ დაკარგულად მიიჩნეოდა, თუმცა ჯერჯერობით მათი ევაკუაცია ვერ ხერხდება.
  • "დანარჩენს ყველას მივაკვლიეთ, მათი ევაკუაცია ჯერჯერობით შეუძლებელია, ვინაიდან მოძრაობა არის გადაკეტილი და იმ ზონაში ვერ შედის ვერცერთი ტრანსპორტი", — აცხადებს იგი.