ინფორმაციას საერთაშორისო მედიები ირანის სახელმწიფო სააგენტო IRNA-ზე დაყრდნობით ავრცელებენ.

რატომ არის მნიშვნელოვანი: ირანში აქციები სექტემბრის შუა რიცხვებში დაიწყო, როდესაც 22 წლის მაჰსა ამინი გარდაიცვალა, რომელიც ირანის მორალურმა პოლიციამ ისლამური რესპუბლიკის მკაცრი ჩაცმულობის კოდექსის სავარაუდო დარღვევისთვის დააპატიმრა.

  • სიკვდილით დასაჯეს აქციის არაერთი მონაწილე, რომელთა რაოდენობაზეც ზუსტი და ოფიციალური ინფორმაცია არ არსებობს.
  • საპროტესტო აქციები ირანის თეოკრატიის ერთ-ერთ ყველაზე დიდ გამოწვევას წარმოადგენს 1979 წლის რევოლუციის შემდეგ.

შეწყალებულებს შორის არიან ანტისამთავრობო აქციის მონაწილეებიც, თუმცა ისინი გარკვეულ წინაპირობებს უნდა აკმაყოფილებდნენ.

  • სახელმწიფო მედიის ცნობით, ალი ხომეინი არ შეიწყალებს მათ, ვისაც ორმაგი მოქალაქეობა აქვს.
  • გარდა ამისა, შეწყალება არ გავრცელდება მათზე, ვისაც ბრალი "ჯაშუშობასა" და "ისლამური რესპუბლიკისადმი მტრულ ჯგუფებთან კავშირში" ედებათ.