ამის შესახებ აგრესორი ქვეყნის საგარეო საქმეთა მინისტრმა რუსულ მედიასთან ისაუბრა.

რატომ არის მნიშვნელოვანი: მანამდე ლავროვმა დასავლეთი მოლდოვის "მეორე უკრაინად" და ძლიერ ანტირუსული განწყობების ქვეყნად გადაქცევის მცდელობაში არაერთხელ დაადანაშაულა.

  • მისი თქმით, მოლდოვას პრეზიდენტი, მაია სანდუ რუსეთის მიერ ღიად მტრულ პოლიტიკას ახორციელებს და მზად არის, "გააკეთოს ყველაფერი დასავლეთისთვის თავის მოსაწონებლად".
  • ასევე, ამბობს, რომ მოლდოვას სურვილი, შეუერთდეს სხვადასხვა დასავლურ ალიანსს მათი ხელისუფლების ანტირუსულ კურსს მოწმობს.

დეტალები: ლავროვის მტკიცებით, ცენტრალურ აზიაში დასავლეთი თავისი გავლენის გამყარებას ცდილობს, თუმცა, ისინი არ პასუხობენ.

  • რაც შეეხება საქართველოს, მისი აზრით, ის რუსეთთან მეგობრობითაა დაინტერესებული.

მოლდოვამ რუს მაღალჩინოსანს უკვე უპასუხა. საგარეო საქმეთა სამინისტრომ ლავროვის სიტყვებს მუქარის რიტორიკას უწოდებს.

  • "კატეგორიულად უარვყოფთ ლავროვის განცხადებებს, რომელიც სიმართლეს არ შეესაბამება და რუსული დიპლომატიის უკვე ცნობილი მუქარის რიტორიკის ნაწილია".
  • სამინისტროს წარმომადგენლის თქმით, NATO-სა და ევროკავშირში მოლდოვას სწრაფვა ქვეყნის მოქალაქეების მიერ დამტკიცებული და მათი სურვილის შესაბამისი გზაა.
  • "მოლდოვამ თავისი მომავალი ნათლად აირჩია და ეს თავისუფალი სამყაროს ნაწილად ყოფნაა".