ინფორმაციას სამართალდამცავი უწყება ავრცელებს.

რატომ არის მნიშვნელოვანი: პროკურატურის ცნობით, ბრალდებულებმა საჯარო რეესტრის ეროვნულ სააგენტოში წარადგინეს ყალბი დოკუმენტები, თითქოს, 2007 წლამდე დაბა გომისმთაში თვითნებურად ფლობდნენ მიწის ნაკვეთებს.

  • ამ გზით დაეუფლნენ, ჯამში, 1 405 კვ.მ. მიწის ნაკვეთს, რითაც სახელმწიფოს 301 530 ლარის ზიანი მიაყენეს.

დეტალები: ბრალდებულები დამნაშავედ ცნეს თაღლითობისა და ყალბი დოკუმენტების დამზადება-გამოყენების მუხლებით.

  • პროკურატურის ინფორმაციით, შვიდივე მათგანმა გამოძიებასთან ითანამშრომლა და ჩადენილი დანაშაული აღიარა.

დაბა გომისმთასა და ბახმაროში სახელმწიფოს კუთვნილი მიწების თაღლითურად დაუფლების ფაქტებზე სისხლისსამართლებრივი დევნა, ჯამში, 58 პირის მიმართაა დაწყებული.

  • სახელმწიფოს უკვე დაუბრუნდა 1 921 829 ლარის ღირებულების უძრავი ქონება.