ჯონსონი: ვიყენებდით დიპლომატიურ ორაზროვნებას ნატოსა და უკრაინის თემაზე და დასრულდა სრული კატასტროფით

31 Jan. 2023, 12:33

ჩვენ ვცადეთ ორაზროვნება და ვნახეთ, სად მიგვიყვანა ამან. ათწლეულების განმავლობაში ვიყენებდით დიპლომატიურ ორაზროვნებას ნატოსა და უკრაინის თემაზე და ეს დასრულდა სრული კატასტროფით.

წლების განმავლობაში ვეუბნებოდით უკრაინელებს, რომ ნატოში ღია კარის პოლიტიკა გვაქვს, რომ მათ აქვთ უფლება, აირჩიონ საკუთარი ბედი, რომ რუსეთს არ უნდა შეეძლოს ვეტოს გამოყენება და მთელი ამ ხნის განმავლობაში ღიად ვანიშნებდით მოსკოვს, რომ უკრაინა არასოდეს აპირებს ალიანსში გაწევრიანებას, რადგან ნატოს ამდენი წევრი უბრალოდ თავად გამოიყენებს ვეტოს.

რა არის ამ ორი შეუთავსებელი ქმედების შედეგი? — ყველაზე საშინელი ომი ევროპაში უკანასკნელი 80 წლის განმავლობაში. რუსეთის პრეზიდენტმა, ვლადიმერ პუტინმა გაანადგურა უამრავი სიცოცხლე, სახლი, იმედი და ოცნება. მან, ასევე, გაანადგურა მის მიმართ თანაგრძნობის ან მისი პარანოიის იუმორით ყურების უმცირესი მიზეზი. [...]

აბსოლუტურად არაფერია, რაც ნატოს შეუძლია, ასწავლოს უკრაინელებს ომში ბრძოლაზე, პირიქით, ბევრი რამაა, რაც მათ თავად შეუძლიათ, გვასწავლონ. ხალხი ამტკიცებდა, რომ უკრაინის ნატოში გაწევრიანების პერსპექტივა პუტინისა და რუსეთისთვის პროვოკაციული იყო. სინამდვილეში, ჩვენ არასდროს უნდა მივიღოთ ეს არგუმენტი. [...]

ჩვენ რომ საკმარისად მამაცები და თანმიმდევრულები ვყოფილიყავით, უკრაინა რომ ნატოში შეგვეყვანა, რეალურად ის რომ გვეგულისხმა, რასაც ვამბობდით, ამ სრულ კატასტროფას თავიდან ავიცილებდით.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

პუტინმა ქვეყნიდან ნაღდი რუბლის გატანის წესები გაამკაცრა