კამპანია გაუზიარე სინათლის ფარგლებში მიმდინარეობდა, საიდანაც 13 დღეში 411 000 ლარი შეგროვდა.

რატომ არის მნიშვნელოვანი: რუსეთმა უკრაინაში თავდასხმები დაიწყო კრიტიკულ სამოქალაქო ინფრასტრუქტურაზე, მათ შორის ენერგიის გადამცემ ხაზებზე, ელექტროსადგურებსა და ქვესადგურებზე.

  • სწორედ ამის გამო, უკრაინა ზამთრისთვის აქტიურად ითხოვს გენერატორებს.
  • პარტნიორები, ევროკავშირის არაერთი ქვეყანა უკრაინას გენერატორებსა და ტრანსფორმატორებს აწვდიან.

დეტალები: "ჩავიდა სითბო და სინათლე! კიევში გადმოიტვირთა! საქართველოს მოქალაქეების უკრაინისთვის გაგზავნილი 338 გენერატორი ხვალ და ზეგ უკვე საბოლოო დანიშნულების ადგილას იქნება", — ნათქვამია საქველმოქმედო ორგანიზაციის ფეისბუქ პოსტში.

  • გენერატორით უკრაინელები შეძლებენ წყლის სატუმბი სადგურების მუშაობას ბოიარკასა და პერეასლავლ-ხმელნიცკში.
  • ასევე, 2 სამედიცინო პუნქტს, გადაუდებელი სამედიცინო დახმარების 4 სადგურს, სკოლას ხარკოვის ოლქში, სამხედრო ჰოსპიტალი კიევში, 3 საბავშვო ბაღს ვინიცაში, 11 წყლის სატუმბის მცირე სადგურს ვინიცის ოლქში და ა.შ
  • მათი თქმით, უკრაინელები საჩუქრებს საქართველოს მოქალაქეებისგან ხვალ მიიღებენ.