ინფორმაციას ამის შესახებ საქართველოს პროკურატურა ავრცელებს.

დეტალები: პროკურატურის თქმით, კაცმა ცოლს განსაკუთრებული სისასტიკით სხეულის სხვადასხვა არეში მიაყენა ჭრილობები და ფიზიკურად იძალადა ცოლის დედაზე — ის იმავე დღეს დააკავეს.

  • ბრალდებული აქამდე ოჯახში ძალადობისა და მუქარისთვის იყო ნასამართლევი.
  • უწყების განცხადებით, ახალციხის რაიონულმა სასამართლომ ბრალდებული გენდერის ნიშნით შეუწყნარებლობის მოტივით, განზრახ მკვლელობის მცდელობის ფაქტსა და ძალადობის ორ ეპიზოდზე ცნო დამნაშავედ.
  • კაცს 19 წლით თავისუფლების აღკვეთა მიესაჯა.

მნიშვნელოვანია ვიცოდეთ, რომ ოჯახში ძალადობა არ გულისხმობს მხოლოდ ფიზიკურ შეხებას. ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა ასევე ძალადობაა და კანონით აკრძალულია.

  • ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით. ზარი უფასოა.
  • საკონსულტაციო მომსახურების გაწევის მიზნით ფუნქციონირებს ცხელი ხაზი — 116 006.

საჭიროების შემთხვევაში შეგიძლიათ დარეკოთ შემდეგ ნომრებზე:

  • საფარის უფასო იურიდიული დახმარება — 0322 30 76 03; 599 40 76 03;
  • სახალხო დამცველის ცხელი ხაზი — 1481.