სამბისტმა, ელენე ქებაძემ, რომელიც მსოფლიო ჩემპიონი მეორედ გახდა, სამინისტროს მიმართ კრიტიკული პოსტი სოციალურ ქსელში გამოაქვეყნა.

რატომ არის მნიშვნელოვანი: სპორტსმენმა ყირგიზეთის დედაქალაქ ბიშკეკში მსოფლიო ჩემპიონატში +80 კილოგრამ წონით კატეგორიაში გაიმარჯვა და საერთაშორისო ასოციაციის სახელით მოასპარეზე ანჟელა გასპარიანი დაამარცხა.

ქებაძის წერს, რომ მსოფლიოს ჩემპიონი მეორედ გახდა და სამწუხაროდ, სპორტის სამინისტროდან აეროპორტშიც არავინ დახვდა

  • "აღარაფერს ვამბობ პირადად შეხვედრაზე, მით უმეტეს მაშინ, როდესაც სპორტის მინისტრი ქალბატონია".
  • მისივე თქმით, სპორტის სამინისტრომ მილოცვის პოსტი წაშალა და "ძალიან სამარცხვინოა, რომ მილოცვა უკან წაიღეს".

პასუხად, სამინისტრომ მსოფლიო ჩემპიონს კომენტარებში უპასუხა, პოსტს "უსამართლო" უწოდა, სპორტსმენს გაწეული ფინანსური დახმარება ჩამოუთვალა და დააყვედრა.

  • უწყების თქმით, "თავს ვალდებულად თვლიან", ქებაძეს შეახსენონ იმ მხარდაჭერაზე, რომელიც მხოლოდ ბოლო დროს სპორტის სამინისტრომ მისი წარმატებისთვის "გაიღო".
  • წერს, რომ ქებაძე უწყებისგან ყოველთვიურ ხელფასს, 1050 ლარს იღებს და "სწორედ სპორტის სამინისტროსგან" ჩაერიცხა მსოფლიო ჩემპიონატზე მოპოვებული ოქროს მედლის შესაბამისი პრემია — 17 ათასი ლარი.
  • კომენტარში, ასევე, საუბარია ჩემპიონატზე მონაწილეობის, ეკიპირებისა და სხვა ხარჯების დაფინანსებაზეც.

უწყებამ ქებაძის პოსტის კომენტარებში დაწერა ისიც, რომ მისალოცი პოსტი ფეისბუქგვერდზე კვლავ განთავსებულია და სპორტსმენს განცხადების გაკეთებამდე ინფორმაციის გადამოწმებისკენ მოუწოდა.

  • პოსტი ახლა ნამდვილად იძებნება თუმცა რედაქტირების ისტორიის ნახვისას, ჩანს, რომ ჩასწორებულია და დამატებულია ინფორმაცია სპორტსმენთა დაფინანსებაზე, კერძოდ:
  • "სამბისტთა ნაკრები მსოფლიო ჩემპიონატზე საქართველოს კულტურის, სპორტისა და ახალგაზრდობის სამინისტროს დაფინანსებით იმყოფება".

ფოტო: სპორტის სამინისტრო / FB