ინფორმაციას თავად სპეციალური საგამოძიებო სამსახური ავრცელებს.

რატომ არის მნიშვნელოვანი: ნაციონალური მოძრაობის წევრს თავს დღეს, 19 დეკემბერს ბათუმში ფორმულას პირდაპირ ეთერში ჩართვისას დაესხნენ — კვერცხები ესროლეს და ფიზიკური და სიტყვიერი შეურაცხყოფა მიაყენეს.

  • მომხდარს გამოეხმაურნენ ოპოზიციაში. სტრატეგია აღმაშენებელმა თავდასხმას წინასწარ განსაზღვრული პროვოკაცია უწოდა.
  • პროვოკაციად შეაფასეს მომხდარი ენმ-ის თავმჯდომარემ, ნიკა მელიამ და პარტია დროამ.
  • ევროპული საქართველოს ლიდერის, გიგა ბოკერიას თქმით კი, კირთაძეზე თავდასხმა ივანიშვილის რეჟიმის სახეა.

დეტალები: საგამოძიებოს ცნობით, გამოძიება სსსკ-ის 156-ე მუხლის მე-2 ნაწილის ა ქვეპუნქტით დაიწყო, რაც პოლიტიკურ მოღვაწეობასთან დაკავშირებით ჩადენილ ძალადობას გულისხმობს.

  • "სპეციალური საგამოძიებო სამსახური ატარებს ყველა საჭირო საგამოძიებო და საპროცესო მოქმედებას სწრაფი და ობიექტური გამოძიების უზრუნველსაყოფად", — ნათქვამია განცხადებაში.